MSMP紋髮全能班
MSMP Master Class
AOh! MSMP 紋髮課程 · 累積 5 年教學經驗
唔止學識紋髮，
係成就你獨立開業、
自己做到一個頭。
由學識到開業接單，一步一步嚟，每步都做得到。
點解而家啲課程要咁揀
淨識基礎 SMP，已經唔夠喺呢行脫穎而出。
行業競爭越嚟越激烈，2025 年起我哋將生髮注養 + AI 分析帶入紋髮領域。
學員唔止識「紋」，仲識「養」——一次過解決髮量同髮質，商機同競爭力都唔同層次。
由 傳統 SMP 升級做 注養 ALL-IN-ONE
由紋髮技術課程，全面升級做生髮注養一站式課程。
呢個市場點解值得你入
脫髮嘅人越嚟越多，
但市場上識解決嘅人唔多。
脫髮年輕化、女性髮量稀疏、斑禿愈嚟愈常見，但願意戴假髮、做植髮嘅人始終係少數 —— 需求持續，供應仲未追上。
植髮太貴、太痛、要等恢復期
唔係人人負擔得起，亦唔肯捱手術同幾個月恢復期。
紋過線條髮線，愈大愈假
隨年紀、髮量變化，線條式髮線會愈嚟愈唔自然。
有疤痕、斑禿，冇人識處理
失敗植髮、留疤、斑禿嘅客人，坊間好少師傅敢接、識接。
淨係遮，唔幫手改善髮質
只做遮蓋，冇處理頭皮健康，問題其實未解決。
你會行嘅路
三個階段，六個里程碑
唔係一堆散裝技巧，而係一條由「學識」到「做到」到「開到」嘅路線。每一步都有一個你落堂之後即刻做到嘅結果 —— 望得到自己行到邊。
讀懂頭皮
01頭髮生長週期、皮膚結構、脫髮成因與護理 —— 落針前先睇得明塊頭皮。
核心手法
02SMP 點狀髮線（唔係線條式）：色點排列、落針深度、針型選擇、機器操作。
差異化技術
03生髮注養 + AI 儀器、疤痕斑禿處理 —— 坊間課程冇嘅一環。
真人實操
04女士髮縫填充、男士 SKINHEAD、男女髮線設計 —— 小班制，全港最多真人實操。歡迎報名加操。
獨立做一個頭
05由 consultation 到落針、術後跟進，一個人 handle 全程；仲會拆解坊間錯誤個案。
開業落地
06前後對比圖庫、定價指南、器材／工作室租借、國際證書、線上支援社群，優秀學員仲有實習機會。
睇得更仔細
完整課程大綱
落面係每一步實際教嘅內容，想睇仔細可以逐項展開。
Module 01
基礎知識 & 皮膚分析
- 頭髮生長週期解析
- 皮膚層結構
- 男女脫髮類型及成因
- 脫髮舒緩方法與護理
Module 02
SMP 紋髮技術解析
- 紋髮技術原理
- 疤痕及斑禿膚質處理
- 紋髮 vs. 其他市場技術（優劣分析）
- 市面紋髮機器比較
Module 03
專業技術培訓
- 色點排列技巧
- 落針深度分析
- 針型選擇
- 紋髮機器操作步驟講解
Module 04
實戰應用 & 進階技巧
- 女士髮縫填充技巧
- 男士 SKINHEAD 設計技巧
- 男士 & 女士髮線設計
- 疤痕 & 植髮修復
- 術前 & 術後注意事項
- 坊間錯誤個案分析
Module 05
色料應用與技術
- 市面色料品牌 & 成分比較
- 膚色與髮色色調應用
- 色素氧化 & 退色過程解析
加註
課堂教授嘅係 SMP 點狀髮線，線條式髮線唔喺呢個課程範圍內，落堂之前想你清楚知道自己學緊咩。
認識你嘅導師
手把手帶你嘅人
你嘅導師
Iris Chung
- 全港首位國際美容比賽紋髮評審
- BHL 同 IBDR 國際美容比賽紋髮評審
- 總 Case 4,000+
- 紋髮經驗 7+ 年
「我只能為大家打開技術的門，至於成就多少、道路走得多遠，還是要靠同學的努力及毅力。我們好好加油。」 — Iris Chung，AOh! 導師
畢業唔係終點
AOh! 導師社群，陪你由開業行到穩定
結業唔等於斷纜，你會留喺一個定期更新嘅圈子，持續有人同你講行業動態。
定期行業情報
新技術、新趨勢定時公佈，唔使自己周圍搵。
復操優先
手勢有陰影、想加強邊個位，優先約到復操名額。
同期交流
同屆學員互相撐場、轉介 case，唔使自己捱。
入貨優惠
色料、消耗品社群優惠價入貨，慳返營運成本。
我哋同坊間嘅分別
坊間教你考到證書，
我哋成就你養到自己。
同樣係 SMP 課程，分別唔喺價錢，喺「落堂之後你去到邊」。
01 · 目標
教完就完 vs 開到業
02 · 技術
傳統 SMP vs 多一條路
03 · 同行
落堂斷纜 vs 一直有人
你會拎走咩
唔止一張證書，
係一套開業嘅底
國際認可證書 任選 2 張
傍身、俾客信心，開業必備。
開業工具包 價值 $12,000
落堂即刻開得到工，唔使再周圍撲器材。
- 注養紋髮筆記（70 頁內容）1 本
- 進口 AOh! 紋髮專用機器 1 部
- 進口 AOh! 專用色料 2 支（Black · Dark Black）
- 紋髮專用消毒清潔劑 1 支
- 紋髮專用即棄針 2 盒
- 髮線定位筆 · 刻畫尺 · 人體馬克筆
- 即棄色料杯 · 色料架 · 精美便攜工具箱
- 定價指南
唔靠把口
學員作品
頭頂補髮實例，before / after 對比。
頭頂補髮實例，客人已同意作教學及宣傳用途。
課程費用
已包 $12,000 開業工具包、兩張韓國美容聯會證書，以及創業全方位支援。
